महाराष्टातील, भारतातील आर्थिक-सामाजिक, सांस्कृतिक, पर्यावरणीय, शैक्षणिक अशा निरनिराळ्या पैलूंवर दत्ता देसाई यांनी सघन प्रबोधनात्मक लिखाण केले आहे. या लिखाणासोबत या विषयांवर सामान्य जनता, कार्यकर्ते यापासून विद्यापीठांमधील प्राध्यापक अशा निरनिराळ्या पातळीवरील लोकांसाठी मार्क्सवादी भूमिकेतून व्याख्याने, शिबिरे ते घेत आले आहेत. भारतीय जन-विज्ञान समुदाय, समाजविज्ञान अकादमी यांच्या तर्फे प्रबोधनाचे कार्यक्रम आयोजित करण्याचे काम त्यांनी दोन दशकांहून अधिक काळ केले आहे.

प्रकाशित पुस्तके : ‘महाराष्ट्रातील दुष्काळ’; ‘जलयुद्ध की जलक्रांती?’; ‘महाराष्ट्रातील विकासाची दिशा’; ‘आधुनिकतेचे आगमन’; “नव‘उदार’ जगाचा उदयास्त”; ‘सत्ताबदल’ ही पुस्तके, २० हून अधिक पुस्तिका तसेच अनेक वैचारिक लेख
संपादन : ‘शहीद भगतसिंह समग्र वाङ्मय’; ‘बदलता भारत : पारतंत्र्यातून महासत्तेकडे…’ [दोन खंड] या १२०० पानी महाग्रंथाचे संपादन दत्ता देसाई यांनी संपादन केले आहे. समाजविज्ञान अकादमी इ. पुणे यांनी निरनिराळ्या शहरांमध्ये २०२४ मध्ये या पुस्तकावर चर्चा आयोजित केल्या. त्यात त्यानी मार्गदर्शन केले आहे.
यूट्यूब संवादमालिका : ‘जग बदल, जाणुनी मार्क्स…’ या ४४ भागातील व्हिडियो संवाद मालिकेत दत्ता देसाई यांनी मार्क्सचे म्हणणे मराठी-श्रोत्यांसाठी उलगडून दाखवत या तुलनेने नव्या माध्यमाचाही मार्क्सवादी प्रबोधनासाठी वापर करत मोठी कामगिरी केली आहे. फेसबुक, ट्विटर, इंस्टाग्राम यावरही ही मालिका उपलब्ध आहे. युट्युब चॅनलच्या माध्यमातून मार्क्सवादा बद्दल दर्जेदार प्रबोधन करणारी ही एकमेव मालिका आहे