सत्यशोधक’ तसेच ‘जनआंदोलन’ या नियतकालिकांचे त्यांनी संपादन केले आहे. एकीकडे प्रबोधनाचे काम सुरू असतानाच शोषितांच्या न्याय्य हक्कांसाठी रस्त्यावरचा संघर्ष सुद्धा सातत्याने सुरू होता. डॉ. बाबा आढाव यांच्या नेतृत्वाखाली विविध असंघटित कष्टकर्‍यांच्या ‘अंगमेहनती कष्टकरी संघर्ष समिती’चा 20 वर्षे निमंत्रक म्हणून कार्यरत आहेत. एकीकडे रिक्षा-टॅक्सीचालक यांच्या विविध मागण्यांसाठी लढत असतानाच त्यांनी बांधकाम कामगारांच्या विकास आणि न्यायासाठी बांधकाम मजदूर सभेची स्थापना केली. त्याचबरोबर अंगणवाडी कर्मचारी सभा, महाराष्ट्र यांच्या माध्यमातून अंगणवाडी सेविकांचे मानधनवाढ, कर्मचार्‍यांचा दर्जा इ. साठी मोर्चे, आंदोलन करून न्याय मिळवून देण्यात पुढाकार घेतला आहे.
स्वातंत्र्य, समता, बंधुत्व, न्याय, इ. भारतीय राज्यघटनेतील मूल्ये प्रत्यक्षात साकार व्हावीत आणि जाती, धर्मनिरपेक्ष, विज्ञाननिष्ठ समाजनिर्मिती व्हावी यासाठी त्यांनी रचना, संघर्ष, प्रबोधन ह्या त्रिसूत्रीद्वारे केलेल्या कामातून बांधकाम मजुरांसाठी सुरक्षिततेसाठी ‘बांधकाम कामगारांचा रोजगार व सेवाशर्ती नियमन आणि कल्याणकारी कायदा’, ‘असंघटितांचा सामाजिक सुरक्षा कायदा’ लागू होण्यासाठी त्यांचे मोलाचे योगदान आहे.